Ver obs på brannfarane i jula
Levande lys er ein vanleg brannårsak i jula, og det er viktig å alltid sløkke dei før du forlèt rommet.
Julehøgtida er høgsesong for bustadbrannar. Heldigvis kan du sjølv gjera mykje for å redusera risikoen. Her er nokre enkle, men viktige tips for å sikra ei trygg og god julehøgtid:
1. Grunnleggande branntryggleik
Sløkk alltid levande lys før du forlèt rommet.
Sørg for at røykvarslarane fungerer – test dei jamleg og bytt batteri ved behov.
Ha brannsløkkingsutstyr som brannslokkar og brannteppe lett tilgjengeleg.
2. Trygg matlaging
Forlat aldri komfyren medan maten står på, og skru alltid av etter bruk.
Ikkje lag mat om du er trøytt eller berusa.
Bruk lokk, brannteppe eller sløkkespray ved komfyrbrann – aldri vatn.
Hald det ryddig rundt komfyren, og rens kjøkkenvifta for matfett.
Installer komfyrvakt for ekstra tryggleik.
3. Sikker bruk av julebelysning
Slå alltid av julelys om natta eller når du forlèt huset.
Plasser lys og dekorasjonar i trygg avstand frå brennbart materiale.
Unngå leidningar som blir klemt i vindauge eller dører.
Vel CE-merka lys og bruk gjerne LED-belysning som ikkje blir like varme.
4. Trygg oppvarming
Sjekk støpslar og stikkontaktar for teikn på varmgang eller brunsvidde merke.
Unngå bruk av skøyteleidningar til varmeovnar og panelovnar.
La fagfolk kontrollere det elektriske anlegget ved behov.
